विवेकशील साझा पार्टीका सात जना केन्द्रीय सदस्यले दिए संयुक्त राजीनामा

साझा पाना २०७९ भदौ १२ गते १९:२७ मा प्रकाशित

काठमाडौं। विवेकशील साझा पार्टीका सात जना केन्द्रीय सदस्यले संयुक्त राजीनामा दिएका छन् ।

राजीनामा दिनेमा केन्द्रीय सदस्यहरू जमुना शर्मा, राज्य लक्ष्मी श्रेष्ठ, रोशनी अधिकारी, बिराज भक्त श्रेष्ठ, सस्मित पोखरेल, श्रीकृष्ण श्रेष्ठ र सुदन मानन्धर छन् ।

विवेकशील साझा पार्टी पद्धति, पारदर्शिता, जबाफदेहिता र लोकतान्त्रिक अभ्यासको मूल्य मान्यता र मर्मविपरीत रहेको भन्दै उनीहरूले राजीनामा दिएका हुन् ।

‘सुसंस्कृत सहभागितामूलक राजनीति र समतामूलक सम्वृद्धिलाई संस्थागत गर्ने कुनै प्रयास नदेखिएको आभास सहित हामीले पार्टीको केन्द्रीय समिति सदस्य नरहने गरी राजीनामा दिने निर्णय गरेका छौँ,’ राजीनामा पत्रमा भनिएको छ ।

उनीहरूले पाँच वर्षसम्म महाधिवेशनसम्म पनि गर्न नसक्ने विवेकशील साझा पार्टीले आम नागरिकको अवस्था बदल्ने राजनीतिक कार्यदिशा कार्यान्वयन गर्नेछ भन्नेमा आफूहरूलाई विश्वास नलागेको पनि पत्रमा उल्लेख गरेका छन् ।