चितवनको भरतपुर २२ बाट नगदसहित ६ जुवाडे पक्राउ

प्रनिश थापा चितवन संवाददाता २०७९ साउन ३० गते १९:५१ मा प्रकाशित

चितवन । चितवनको भरतपुरबाट नगदसहित ६ जना जुवाडेलाइ सोमबार दिउँसो प्रहरीले पक्राउ गरेको छ ।

स्थानीय बिष्णुराज महत्तोको घरमा जुवातास भइरहेको भन्ने सूचनाको आधारमा ईलाका प्रहरी कार्यालय गितानगरबाट प्रहरी निरीक्षकको कमान्डमा खटिएको प्रहरीको टोलीले भरतपुर महानगरपालिका वर्डा नम्बर २२ बाट जुवातास खेलिरहेको अवस्थामा उनीहरुलाई प्रहरीले पक्राउ गरेको हो ।

पक्राउ पर्नेहरूमा भरतपुर महानगरपालिका १३ बस्ने साजन आले, भरतपुर महानगरपालिका १४ बस्ने सत्यनारायण महतो, भरतपुर महानगरपालिका २१ बस्ने हिरा पौडेल, भरतपुर महानगरपालिका २२ का विकास सापकोटा, विष्णुराज महतो, देवराम महतोलाई पक्राउ गरेको हो । उनीहरुको साथबाट प्रहरीले ४२ हजार ५०० नगद र १५ बुक तास समेत बरामद गरेको जिल्ला प्रहरी कार्यालय चितवनले जनाएको छ ।

पछिल्लो समय चितवन प्रहरीले जुवातास विरुद्ध अप्रेसन नै चलाइरहेको छ । जुवातास विरुद्ध आक्रमक भएको चितवन प्रहरीले गत, साउन २३ गते बिहान मात्रै भरतपुर ११ स्थित गणेशस्थान चोकबाट नगद तीन लाख रुपैयाँसहित १२ जना जुवाडेलाइ पक्राउ गरेको थियो ।

क्याटेगोरी : अपराध/सुरक्षा, विशेष, देश परदेश, समाचार, स्थानीय