राष्ट्रपति विद्यादेवी भण्डारी आज पोखरा जाँदै

साझा पाना २०७९ साउन ३० गते १३:२५ मा प्रकाशित

काठमाडौँ । राष्ट्रपति विद्यादेवी भण्डारी आज पोखरा जाने भएकी छन् । मंगलबार हुने विभिन्न कार्यक्रममा सहभागी हुन बुद्ध एयरको जहाजमार्फत मध्याह्न १२ बजे पोखरा पुग्ने सचिवालयले जनाएको छ ।

आज पोखराकै एक होटलमा बस्ने कास्कीका प्रमुख जिल्ला अधिकारी जयनारायण आचार्यले जानकारी दिए । मंगलबार बिहान राष्ट्रपति भण्डारी विन्ध्यवासिनी मन्दिरको दर्शन गर्ने र त्यसपछि विन्ध्यवासिनी माविको हिरक जयन्तीमा सहभागी हुने कार्यक्रम तालिका रहेको छ ।

मंगलबार दिउँसो उनी गुरुङहरुको विशेष चाड ट्योंटेको अवसरमा आयोजित कार्यक्रममा सहभागी हुने छिन् । कार्यक्रमलाई सम्वोधन गरेर राष्ट्रपति भण्डारी मंगलबार अपराह्न ४ बजे काठमाडौं फर्किने कार्यक्रम छ । राष्ट्रपति भण्डारी पोखरा आउने भएपछि सुरक्षा व्यवस्था कडा पारिएको प्रजिअ आचार्यले बताए ।

क्याटेगोरी : समाचार
ट्याग : #राष्ट्रपति विद्यादेवी भण्डारी