चितवन प्रहरीको सचेतनामुलक सडक सुरक्षा कार्यक्रम सम्पन्न

प्रनिश थापा चितवन संवाददाता २०७९ साउन ५ गते १०:५७ मा प्रकाशित

चितवन । चितवन प्रहरीले सडक सुरक्षाका लगि सचेतनामुलक सडक सुरक्षा कार्यक्रम सम्पन्न गरेको छ ।

समुदाय–प्रहरी साझेदारी कार्यक्रम अन्तर्गत मुग्लिङ प्रहरी र मुग्लिङ ट्राफिक प्रहरीको संयुक्त आयोजनामा हिजो (बुधबार) ईच्छाकामना गाउँपालिका ५ मुग्लिङ बजारमा “सडक सुरक्षा” कार्यक्रम सम्पन्न गरेको हो ।

उक्त राजमार्गमा चल्ने साना तथा ठूला सवारी साधनहरुका चालक तथा सहचालकहरुलाई सम्भावित सडक दुर्घटना न्युनीकरण सम्बन्धी ट्राफिक नियमको पालना गर्नका लागी सम्झाई बुझाई सचेतनामूलक “सडक सुरक्षा” कार्यक्रम सम्पन्न गरिएको चितवन प्रहरीले जनाएको छ ।

पछिल्लो समय जिल्लामा सवारी दुर्घटनामा वृद्धि भएसंगै त्यसलाई पहिचान गरि सम्भावित दुर्घटनाको उच्च जोखिम रहेको स्थानमा प्रहरीले सचेतनामुलक कार्यक्रमको आयोजना गर्दै आएको छ । सोही कार्यक्रम अनुसार प्रहरीले समुदाय–प्रहरी साझेदारी कार्यक्रम अन्तर्गत “सडक सुरक्षा” सचेतना कार्यक्रम सम्पन्न गरेको हो ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय