Techie IT
सोमबार, असार ११,२०८१

लुटेरा समूहको आक्रमणबाट रुपन्देहीमा सुनचाँदी पसलका सञ्चालक घाइते


भैरहवा । सुनचाँदी पसल लुट्न आएको समूहले पसल सञ्चालकमाथि आक्रमण गरी घाइते बनाएको छ । रुपन्देहीको सैनामैना–१, रानवगियामा रहेको बाग्लुङ शान्तिपुरे गुल्मेली सुनचाँदी पसलमा हतौडा प्रहार गरी पसलका सञ्चालकलाई घाइते बनाएका हुन् ।

बिहीबार साँझ करिब ६ः३० बजेको समयमा पसल लुट्ने योजना बनाएर आएको दुई जनाको समूहले पसल सञ्चालकमाथि नै आक्रमण गरेका थिए । सञ्चालक अन्दाजी वर्ष ३५ का गणेश हमाल घाइते भएका छन् । उनलाई उपचारको लागि बुटवलस्थित लुम्बिनी प्रादेशिक अस्पताल पठाइएको छ ।

लु ४८ प १२५६ नम्बर पेलेट भएको मोटरसाइलकामा आएका अज्ञात समूहले सो पसलबाट गरगहना लुट्ने दाउमा रहेको खुलेको प्रहरीले जनाएको छ ।

प्रहरीले नियन्त्रणमा लिएको पुरुषको ब्यागबाट एक थान नक्कली पेस्तोल, धारिलो चक्कु बरामद गरेको जिल्ला प्रहरी कार्यालय रुपन्देहीका प्रहरी उपरिक्षक रविन्द्र रेग्मीले जानकारी दिए ।

उपरिक्षक रेग्मीका अनुसार पक्राउ पर्ने कपिलबस्तु जिल्ला कृष्णनगर वडा नम्बर ३ बस्ने वर्ष ३८का अब्दुल्ला शाह रहेका छन् । ती लुटेराहरुले सुनियोजित रुपमा सुनचाँदी लुट्ने योजना रहेको बताउँदै एसपि रेग्मीले फरार अर्का एक पुरुषको खोजीकार्य भइरहेको जानकारी दिए ।


क्याटेगोरी : समाचार


तपाईको कमेन्ट लेख्नुहोस्


Kathmandu
26°
Partly Cloudy
5:09 am7:03 pm +0545