मध्यरातमा भण्डारा प्रहरी प्रमुख गिरीको एक्सन : ९१ केजी लागूऔषध (गाँजा) बरामद

प्रनिश थापा चितवन संवाददाता २०७८ चैत्र १५ गते ०७:३५ मा प्रकाशित

चितवन । चितवन प्रहरीले ठूलो मात्रामा अवैध लागूऔषध (गाँजा) बरामद गरेको छ । ईलाका प्रहरी कार्यालय भण्डाराबाट प्रहरी निरीक्षक राजीव गिरीको कमान्डमा खटिएको प्रहरीको विशेष टोलीले आइतबार राती ११ बजेको समयमा पुर्वी चितवनको राप्ती नगरपालिका वर्डा नम्बर ११ गाल्दकस्थित सानुभाई चेपाङको घरमा लुकाई छिपाई राखिएको अवस्थामा ९१ केजी लागूऔषध (गाँजा) बरामद गरेको हो ।

सूचनाको आधारमा प्रहरी निरीक्षकको टोलीले रित्तपुर्वक रूपमा खानतलासी गर्दा गाँजा फेला परेको जिल्ला प्रहरी कार्यालय चितवनले जनाएको छ । प्रहरीले लागूऔषध (गाँजा) बरामद गरेपनि घरधनी सानू भाइ चेपाङ्ग भने फरार रहेकोले उनको ब्यापक मात्रामा खोजतलास भईरहेको प्रहरीले जनाएको छ । यस बिषयमा चितवन प्रहरीले थप अनुसन्धान गरिरहेको जनाएको छ ।

पछिल्लो समय चितवन प्रहरीले गाँजा ओसारपसार तथा सेवन गर्ने विरुद्ध सुक्ष्म तरिकाले निगरानी समेत गरिरहेको चितवनका प्रहरी प्रमुख (एसपी) नवराज अधिकारी बताउँछन् ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय