चितवन । चितवनमा मुद्दा मिलाइदिन्छु भनी पैसा माग गर्ने कानुन ब्यवसायी पक्राउ परेका छन् । कालिका नगरपालिका वडा नंम्बर ५ पदमपुर बस्ने ५० बर्षिया कानुन व्यवसायी रामचन्द्र देवकोटालाइ प्रहरीले (आइतबार) पक्राउ गरी सार्वजनिक गरेको हो ।

देवकोटाले आफैंले नागरिकताको विषयमा जाहेरी दरखास्त लेखेर जाहेरीमा प्रतिवादीको रुपमा उल्लेख गरिएका व्यक्तिसंँग पटकपटक फोन सम्पर्क गरी तपाईंको नाममा जिल्ला प्रहरी कार्यालय चितवनमा जाहेरी दरखास्त परेको छ, उक्त जाहेरी दरखास्त दर्ता नगराई मुद्दा मिलाई दिन्छु भनी रकम माग गरेको भन्ने सुचनाको आधारमा प्रहरीले पक्राउ गर्न सफल भएको हो ।

प्रहरीको प्रारम्भिक अनुसन्धानको क्रममा उनले प्रतिवादीको रुपमा उल्लेख गरिएका व्यक्तिसँग पटक पटक फोन सम्पर्क गरी रकम माग गरेको देखिएको प्रहरीले जनाएको छ । पक्राउ परेका काननु व्यवसायी समेत रहेका देवकोटाबिरुद्ध ठगी उद्योगमा सम्मानित चितवन जिल्ला अदालतबाट म्याद अनुमति लिई थप अनुसन्धान कार्य भईरहेको जिल्ला प्रहरी कार्यालय चितवनले जनाएको छ ।

थप समाचार

नेपाली राजनीतिमा जेन्जि पुस्ताको अवस्था , अझै नसुनिएको आवाज

अव एमाले बागमतीले मिसन ०८४ सफल बनाउन जनतासँग भिजेर काम…

रुपन्देही र मनाङमा कात्तिकको दोस्रो साता उपचुनाव गर्न प्रस्ताव

कैलालीमा कैदी मृत्यु प्रकरण : प्रहरीका सई पक्राउपछि परिवारले बुझ्यो…