५१ किलो प्रतिबन्धित लागूऔषध गाँजा सहित ४ जना पक्राउ

प्रनिश थापा चितवन संवाददाता २०७८ भदौ १८ गते २३:२५ मा प्रकाशित

चितवन । चितवन प्रहरीले ५१ किलो प्रतिबन्धित लागूऔषध गाँजा सहित ४ जनालाइ पक्राउ गरेको छ । प्रहरीले आज शुक्रबार बिहान ०४.३० बजेको समयमा
काठमाण्डौंबाट मुग्लिङतर्फ आउँदै गरेको ना. ७. ख. ५०११ नम्बरको रात्रीवाहक बसबाट प्रतिबन्धित लागूऔषध गाँजा सहित ४ जनालाइ पक्राउ गरेर सार्वजनिक गरेको हो ।

पक्राउ पर्नेहरूमा रत्ननगर नगरपालिका १५ माधवपुर बस्ने २७ बर्षिया सोनाम बाईवा, कालिका नगरपालिका ८ कालिकाटोल बस्ने २५ बर्षिया बिमल तामाङ र काठमाण्डौं बुढानिलकण्ठ नगरपालिका वडा नम्बर ३ तउलुङ बस्ने २० बर्षिया राजकुमार तामाङ रहेका छन् ।

प्रहरीले सोनामको साथबाट ७ के.जी, बिमलको साथबाट ६ के.जी. र राजकुमारको साथबाट ३ के.जी प्रतिबन्धित लागूऔषध गाँजा सहित पक्राउ गरेको छ ।

यसैबीच, चितवन प्रहरीले नै २०७६ माघ १५ गते राती अंन्दाजी ११ बजेको समयमा राप्ती नगरपालिका वडा नंम्बर १ नयाँबस्तीमा ना. २. ह ५८८० नंम्बरको अटो रिक्साबाट ७ वटा पोकामा ३५ किलोग्राम लागूऔषध गाँजा फेला पारी फरार रहेका चालकलाइ समेत पक्राउ गरेको छ ।

प्रहरीले राप्ती नगरपालिका वडा नंम्बर १ पिप्ले बस्ने २० बर्षिया मिनराज घलानलाई हिजो (बिहीबार) राती ९ बजेको समयमा पक्राउ गरेको हो । पक्राउ परेकाहरुलाई लागूऔषध मुद्दामा सम्मानित चितवन जिल्ला अदालत बाट म्याद अनुमती लिई थप अनुसन्धान गर्ने कार्य भईरहेको प्रहरीले जनाएको छ । उनीहरु अहिले जिल्ला प्रहरी कार्यालय चितवनको हिरासतमा रहेका छन् ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय