चार दिनमा ८९ जना फरार प्रतिवादी पक्राउ

प्रनिश थापा चितवन संवाददाता २०७८ भदौ १२ गते ०८:०८ मा प्रकाशित

चितवन । चितवन प्रहरीले फरार प्रतिवादीहरुलाइ पक्राउ गर्ने अभियानलाइ तीव्र रूपले अघि बढाएको छ ।

जिल्ला प्रहरी कार्यालय चितवनले संचालन गरेको “फरार प्रतिवादी पक्राउ” अप्रेसनका क्रममा चार दिनको अवधिमा विभिन्न शिर्षकमा सजाय पाइ फरार रहेका ८१ जना पुरूष र ८ जना महिला गरी ८९ जना फरार प्रतिवादीहरुलाइ प्रहरीले पक्राउ गर्न सफल भएको हो ।

चोरी, लागू औषध, बहु बिबाह, बन पैदावार, कीर्ते, जुवा, केही सार्वजनिक अपराध, जालसाजी, सम्बन्ध बिच्छेद, सवारी अंगभंग, सवारी ज्यान लगायतका मुद्दामा कैद तथा जरिवाना तोकी फरार रहेका उनीहरुलाइ पक्राउ गरी फैसला कार्यान्वयनका लागि सम्मानित चितवन जिल्ला अदालतमा बुझाईएको जिल्ला प्रहरी कार्यालय चितवनले जनाएको छ ।

क्याटेगोरी : अपराध/सुरक्षा, विशेष, देश परदेश, समाचार, स्थानीय