चितवन । चितवनमा रातको समयमा तरवार बोकी हिंड्ने २ जनालाइ टाँडी प्रहरीले पक्राउ गरेको छ । पुर्वी चितवनको रत्ननगर नगरपालिका वडा नम्बर ११ सित्तलटोलस्थित सार्बजनिक कच्ची सडक खण्डमा शंकास्पद रुपमा हिंड्डुल गरिरहेको अवस्थामा फेला परेका सोही ठाउँ बस्ने ३२ बर्षिया सरोज तामाङ र २० बर्षिया समिर नेपालीलाई नियन्त्रणमा लिइ चेकजाँच गर्ने क्रममा उनीहरुको साथबाट प्रहरीले फलामको धारिलो धार भएको २ फिट ८ ईन्च लामो तरबार १ थान सहित पक्राउ गरिएको ईलाका प्रहरी कार्यालय रत्ननगरले जनाएको छ ।

उनीहरुलाइ आइतबार राती १० बजेको समयमा रत्ननगर नगरपालिका वडा नम्बर ११ सित्तलटोलस्थित सार्बजनिक कच्ची सडक खण्डबाट पक्राउ गरिएको प्रहरीले जनाएको छ । पक्राउ परेका आरोपितहरु माथि आवश्यक अनुसन्धान गर्न सम्मानित चितवन जिल्ला अदालतबाट म्याद अनुमती लिई थप अनुसन्धान गर्ने कार्य भईरहेको टाँडी प्रहरीले जनाएको छ ।

थप समाचार

नेपाली राजनीतिमा जेन्जि पुस्ताको अवस्था , अझै नसुनिएको आवाज

अव एमाले बागमतीले मिसन ०८४ सफल बनाउन जनतासँग भिजेर काम…

रुपन्देही र मनाङमा कात्तिकको दोस्रो साता उपचुनाव गर्न प्रस्ताव

कैलालीमा कैदी मृत्यु प्रकरण : प्रहरीका सई पक्राउपछि परिवारले बुझ्यो…