राजमार्गमा अवरोध सृजना गरी ढुंगामुढा तथा आगजनी गर्ने दुइ जना पक्राउ

प्रनिश थापा चितवन संवाददाता २०७८ असार २४ गते १८:०९ मा प्रकाशित

चितवन । चितवन प्रहरीले आगजनी तथा ढुङ्गामुढा गरी राष्ट्रिय राजमार्गमा अवरोध सृजना गरेको आरोपमा दुइ जनालाइ पक्राउ गरेको छ ।

पुर्वी चितवनको राप्ती नगरपालिका ३ निवासी २३ बर्षिया सुजिता भण्डारीको मृत्युको बिषयलाइ लिएर खैरहनी नगरपालिका वडा नंम्बर १ स्थित साइचोकमा राजमार्ग अवरुद्ध गरेर आगजनी तथा ढुङ्गामुढा गरेको आरोपमा प्रहरीले खैरहनी नगरपालिका वडा नंम्बर २ काशीगाउँ बस्ने ३० वर्षीय सुरज डल्लाकोटी र खैरहनी नगरपालिका वडा नंम्बर १ साइचोक बस्ने १८ वर्षीय अनिष बस्नेतलाइ पक्राउ गरेर सार्वजनिक गरेको हो ।

पक्राउ परेका उनीहरूले हिजो (बुधबार) दिउँसो ४ बजे सुजिता भण्डारी मृत्युको प्रकरणलाई लिएर राष्ट्रिय राजमार्गमा अवरोध सृजना गरी सवारी आवागमनमा अवरोध गरेको तथा ड्युटीमा खटिएको प्रहरी टोलीमाथि समेत ढुङ्गामुढा गरी कर्तव्य पालनामा बाधा पुर्‍याएकोले आरोप छ । पक्राउ परेकाहरु उपर सम्मानित चितवन जिल्ला अदालतबाट म्याद अनुमति लिई थप अनुसन्धान गर्ने कार्य भइरहेको चितवनका प्रहरी प्रमुख (एसपी) ओम प्रसाद अधिकारीले जानकारी दिए ।

क्याटेगोरी : अपराध/सुरक्षा, विशेष, देश परदेश, समाचार, स्थानीय