संखुवासभा जिल्ला अस्पताल प्रदेश १ मा पहिलो
संखुवासभा- जिल्ला अस्पताल संखुवासभा प्रदेश १ मा पहिलो बनेको छ । प्रदेश १ का १४ वटा अस्पताललाई पछि पार्दै जिल्ला अस्पताल पहिलो भएको हो । न्यूनतम सेवा मापडण्ड मापनमा जिल्ला अस्पताल संखुवासभाले ७१ प्रतिशत अंक ल्याएर प्रथम भएको अस्पतालका प्रशासन प्रमुख दीपेश श्रेष्ठले बताउनुभयो । यस अघि यो अस्पताल प्रदेश १ मा १२ औ स्थानमा थियो ।
५० बेडको दितिय स्तरको प्रादेशीक अस्पताल १ नम्बर प्रदेशमा १४ वटा रहेको अस्पताल व्यवस्थापन समितिका अध्यक्ष सुमन शाक्यले बताउनुभयो । जनशक्तिको व्यवस्थापन, आर्थिक व्यवस्थापन, औजार उपकरणको उपलव्धता र प्रयोग, मानव संसाधन व्यवस्थापन, बिरामीको सेवा सुबिधा, फोहरमैला र विपत व्यवस्थापनमा भएका ९ सय ३९ अंकमा ७१ प्रतिशत ल्याएको अध्यक्ष शाक्यले बताउनुभयो । सामाजिक विकास मन्त्रालयका सचिव गोविन्दबहादुर कार्की समेतको विज्ञ टोलीले अनुगमन गर्नुभएको थियो ।
आगामी बर्षमा थप नयाँ सुबिधा अस्पतालमा थप्ने पनि अध्यक्ष शाक्यले बताउनुभयो । यसै आर्थिक बर्षमा व्लड कल्चर सेवा र हार्डजोर्नी विशेषज्ञ सेवा सञ्चालन गर्ने तयारीमा रहेको अस्पतालका प्रशासन प्रमुख दीपेश श्रेष्ठले बताउनुभयो । श्रेष्ठका अनुसार अस्पतालले आगामी आर्थिक बर्षमा सिटि स्क्यान र आईसियु सञ्चालन गर्ने लक्ष राखेको छ । उँहाले जिल्ला अस्पताल संखुवासभालाई प्रदेशमै नमूना बनाईने पनि बताउनुयो ।

थप समाचार

तारकेश्वरको पूर्वाधार छलफलमा ग्राण्डी अध्यक्ष कुँवरसहित विज्ञहरूको मन्त्री मास्केप्रति खुलेर…

चितवनमा सम्पन्न दोस्रो अन्तर्राष्ट्रिय मानसिक स्वास्थ्य सम्मेलन: पाँच प्रमुख सवाल…

लेखा समितिले पोखरा विमानस्थलपछि भैरहवाको पनि अध्ययन गर्ने

छात्रालाई ‘ह्यारेसमेन्ट’ गरेको आरोपमा सहायक प्रअ पक्राउ, पिछा गर्दै आफन्तको…