‘आजादको’ को ४०औँ स्मृति दिवसमा बिरामीलाई फलफूल वितरण

साझा पाना २०७७ फागुन ११ गते १४:४७ मा प्रकाशित

सिन्धुली । शहीद ऋषिराज देवकोटा ‘आजाद ’को ४०औँ स्मृति दिवसका अवसरमा जिल्ला अस्पतालमा रहेका बिरामीलाई फलफूल वितरण गरिएको छ ।
नेपाल कम्युनिष्ट पार्टी (नेकपा) कमलामाई नगरपालिका सङ्गठन कमिटीले बिरामीहरुको स्वास्थ्य लाभको कामनासहित आज फलफूल वितरण गरेको हो ।

अस्पतालमा उपचार गराइरहेका बिरामी तथा सुत्केरीलाई फलफूल वितरण गरिएको सङ्गठनका प्रमुख महेन्द्रदेव श्रेष्ठले जानकारी दिए । उनले भने , ‘पार्टीका नेता, कार्यकर्ता शुभेच्छुक र शहीद ‘आजाद’ लाई नजीकबाट चिन्ने व्यक्तिहरुको उपस्थितिमा अस्पतालमा उपचार गराइरहेका बिरामीहरुलाई फलफूल वितरण गरेका छौँ ।’

‘आजाद’ को सम्झनामा नेकपाले विभिन्न कार्यक्रम गर्दै आइरहेको छ । नेकपाको पाँचौँ महाधिवेशनमा पोलिटब्यूरो सदस्यमासमेत निर्वाचित भएका देवकोटाको पञ्चायतकालीन समयमा आन्दोनको मध्यकमान्ड सम्हाले कै बेला २०३१ साल फागुन १२ गते हत्या भएको थियो ।

क्याटेगोरी : समाचार, स्थानीय
ट्याग : #आजादको’ को ४०औँ स्मृति, #सिन्धुली