पुष्पकमल दाहालविरुद्ध सर्वोच्च अदालतमा आज सुनुवाइ हुने

साझा पाना २०७७ माघ २० गते १०:१२ मा प्रकाशित

नेपाल कम्युनिस्ट पार्टी (नेकपा)का अध्यक्ष पुष्पकमल दाहालविरुद्ध सर्वोच्च अदालतमा दर्ता भएको अदालतको अवहेलनासम्बन्धी मुद्दामा आज सुनुवाइ हुने भएको छ ।

प्रतिनिधि सभा विघटनविरुद्धको मुद्दालाई दाहालले प्रभावित पार्न खोजेको भन्दै समीर हायुले रिट दायर गरेका छन् । नेपाल ल क्याम्पसमा अध्ययनरत हायूले निवेदन आइतबार अपहेलना मुद्दा दायर गरेका थिए ।

प्रतिनिधि सभा विघटनसम्बन्धी सर्वोच्च अदालतमा विचाराधीन मुद्दालाई प्रचण्डले प्रभावित पार्न खोजेको, स्वतन्त्र, निष्पक्ष र सक्षम न्यायपालिकाको मान्यता र संवैधानिक एवं कानूनी व्यवस्था प्रतिकूल भएको दावी गर्दै उनले अदालतको अवहेलना मुद्दामा निवेदन दायर गरेका थिए ।

क्याटेगोरी : समाचार
ट्याग : #breaking, #पुष्पकमल दाहाल