काठमाडौँ, ३ पुस । अर्थमन्त्री विष्णु पौडेलले कोरोना भ्याक्सिन समयमै ल्याइने र निःशुल्क रुपमा लगाइने प्रतिवद्धता जनाएका छन् ।

नेपाल आर्थिक पत्रकार संघ (नाफिज) का नवनिर्वाचित पदाधिकारीहरुसँग भेट गर्दै उनले यस्तो बताएका हुन् ।

अर्थमन्त्री पौडेलले आधिकारिक खोप ल्याउनेबारे छलफल सुरु भइसकेको पनि बताएका छन् । उनले जसरी सरकारले कोरोनाको परीक्षण र उपचार निःशुल्क गरेको थियो त्यसरी खोप पनि निःशुल्क वितरण गर्ने बताएका हुन् ।

‘ग्लोबल मार्केटमा भ्याक्सिन उपलब्ध हुनासाथ नेपालमा आयात हुन्छ । यसका लागि हामीले कुटनीतिक संवाद जारी राखेका छौं । भ्याक्सिनको आयातका लागि तयार भएर बस्छौं’ पौडेलले भने ।

पहिलो चरणमा फ्रन्टलाइनमा खटिएका व्यक्तिहरु र वृद्धवृद्धालाई प्राथमिकता दिने र त्यसपछि सबैलाई भ्याक्सिन उपलब्ध गराएर कोभिड विरुद्धको लडाईलाई निर्णायक बनाउने दिशामा सरकार केन्द्रित रहने उनको भनाई थियो ।

क्याटेगोरी : समाचार
ट्याग : #breaking, #विष्णु पौडेल

---

---

---