काठमाडौँबाट आरूघाट जाँदै गरेको बस तान्द्रांग भीरबाट खस्यो

साझापाना २०७७ पुस १ गते ०८:५१ मा प्रकाशित

१ पुस, काठमाडाैँ । काठमाडौँबाट आरूघाट जाँदै गरेको बस भीरबाट खसेको छ । आरूघाट गाउँपालिकाको सोती जादै गरेको बस तान्द्रांगमा भीरबाट खसेको प्रहरीले जनाएको छ । बिहानको राति करिब ४ः ३० बजे बस भीरबाट खसेको हो ।

जिल्ला ट्राफिक प्रहरी कार्यालय गोरखाका प्रमुख मित्रलाल ढकालका अनुसार बस सडकबाट करिब २० मिटर तल खसेको छ । दुर्घटनामा परि धार्चे गाउँपालिका–६ का बर्ष ५० का सुरमान घले, भीमसेन थापा गाउँपालिका–३ का २९ बर्षका उत्तम पुडासैनी, बर्ष ३० का मनोज पुडासैनी, बर्ष २९ का उज्वल पुडासैनी, धार्चे गाउँपालिका केरौजाकी ३२ बर्षिय कान्छी गुरुङ गम्भीर घाइते भएका छन् ।

घाइते सवैको टाउको र छातीमा चोट लागेको प्रहरीको भनाई छ । बसमा ३५ जना यात्रु सवार थिए । गम्भीर घाइते मध्ये ३ जनालाई उपचारका लागि काठमाडौं पठाइको छ भने २ जनालाई गोरखा अस्पताल ल्याइएको छ ।

क्याटेगोरी : समाचार
ट्याग : #बस तान्द्रांग भीरबाट खस्यो