चितवन । चितवनको भण्डारामा भएको सवारी दुर्घट्नामा एक जना प्रहरीको मृत्यु भएको छ । ईलाका प्रहरी कार्यालय खुर्काेट सिन्धुली दरबन्दी भई ईलाका प्रहरी कार्यालय भण्डारामा कार्यारत ३३ बर्षीया प्रहरी जवान सुजन न्यौपानेको सडक दुर्घटनामा परी मृत्यु भएको हो ।

पश्चिमबाट पुर्वतर्फ जाँदै गरेको ना ६ त ३३८१ नम्बरको ट्याक्टरले ना ३७ प ५५४५ नम्बरको मोटरसाइकललाई आज (आइतबार) साँझ ८ बजे राप्ती नगरपालिका ६ भण्डारामा ठक्कर दिइएको थियो । ट्याक्टरको ठक्करबाट घाइते न्यौपानेको उपचारको क्रममा पुरानो मेडिकल कलेजमा मृत्यु भएको ईलाका प्रहरी कार्यालय भण्डाराका प्रहरी निरीक्षक राजीव गिरीले जानकारी दिए । दुर्घटना लगत्तै ट्याक्टर चालक फरार छन् भने ट्याक्टरलाई प्रहरीले नियन्त्रणमा लिएको छ । फरार चालकको खोजी कार्य भइरहेको प्रहरीले जनाएको छ ।

पछिल्लो समय चितवनमा सवारी दुर्घट्ना सम्बन्धि अन्तरक्रिया लगायत जनचेतनामुलक कार्य हुने गरेको भएपनि दुर्घट्नामा भने कमी आउन सकेको छैन । केही समय अगाडि पनि सवारी दुर्घट्नामा परी सोही कार्यालयमा कायारर्त एक प्रहरी हवल्दारले आफ्नु ज्यान गुमाएका थिए ।

थप समाचार

हिसान तारकेश्वरको तेस्रो भलिबल प्रतियोगिता माघ २८ र २९ गते

अपडेट: मन्थलीमा बस दुर्घटना हुँदा नौं जनाको मृत्यु, १० को…

दमनभन्दा संवाद रोज्न सरकारलाई काँग्रेस नेता खड्काको आग्रह

बर्दिबास साहित्यिक–सांस्कृतिक प्रतिष्ठानको ७७ औँ नियमित साहित्य शृङ्खला वनभोजसहित सम्पन्न