शोभा तामाङ

काठमाडौं भदौ २९ । गण्डकी गाउँपालिका-८ ध्यल्चोक गोर्खाको सुन्दरबस्तीमा रहेको सुन्दर बस्ती बाल क्लबका बालबालिकाहरुले विभिन्न जनचेतनामुलक कार्यक्रमहरु गरि बाल दिवस मनाएका छन्। उनिहरुले जनचेतनामुलक होर्डिङ बोर्ड राखी वातावरण जोगाउँ भन्ने सन्देश दिन खोजेका छन्।

सुन्दर बस्ती बाल क्लबले अघिल्ला वर्षहरुमा पनि बाल दिवस मनाउदै आइरहेका थिए भने यो बर्ष सामाजिक दुरि अपनाइ सुरक्षित साथ बाल दिवस मनाएका छन्।

बालबालिकाहरुलाइ अहिलेको बिषम परिस्थितिमा सुरक्षित रहन र आफ्नो पठन पाठन लगायतका जरुरी कामहरुलाइ समय दिन जस्ता अनुरोधहरु गरिएको सुन्दर वस्ती बाल क्लबका अध्यक्ष सन्देश घिमिरेले बताउनुभयो। यस क्लबमा हाल ६० जना सदस्य तथा पदाधिकारीहरु रहेका छन् भने यस क्लबको आफ्नै भवन निर्माणको चरणमा रहेको छ ।

बिगत २०७१ सालमा स्थापना भइ निरन्तर बालबालिकाहरुको अधिकार र दिगो बिकासको निमित्त यस क्लबले विभिन्न कार्यक्रमहरु गर्दै आइरहेको र यस्तै कार्यहरूलाई अझै सुधार तथा दृढ़ ढंगले निरन्तर लागिरहने पनि उहाँले प्रतिबद्धता व्यक्त गर्नुभयो।

क्याटेगोरी : समाचार
ट्याग : #सुन्दर वस्ती बाल क्लब

---

---

---