भारतमा कोरोना संक्रमितको संख्या दैनिक लाख नजिक

साझापाना २०७७ भदौ २५ गते १३:२२ मा प्रकाशित

पछिल्लो समय कोरोना संक्रमणले विश्व आक्रान्त भएको बेलामा भारतमा पछिल्लो २४ घण्टामा कोरोना भाइरस कोभिड–१९ का ९५ हजार ७३५ नयाँ संक्रमित थपिएका छन् ।

भारतमा यो संख्या हालसम्मकै सबैभन्दा धेरै संक्रमित संख्या हो भने विश्वभरिमा धेरै संक्रमणको दोस्रो स्थानमा पनि छ।

भारतमा कोरोना भाइरसबाट संक्रमित हुनेको संख्या पनि ४४ लाख नाघेको छ । मृत्यु हुनेको संख्या पनि ७५ हजार नाघेको छ भने पछिल्लो २४ घण्टामा मात्र भारतमा कोरोना भाइरसको कारण एक हजार १७२ जनाको मृत्यु भएको हो ।

क्याटेगोरी : समाचार
ट्याग : #corona update, #india