चितवनमा एकैदिन ६१ जना संक्रमित थपिए

चितवन । चितवनमा कोरोना भाइरस (कोभिड-१९) को संक्रमण भयावह बन्दै गएको छ । जिल्लामा आज शनिबार मात्रै १९६ जनाको स्वाब परीक्षण गर्दा ६१ जनामा कोरोना भाइरस (कोभिड – १९) संक्रमण पुष्टि भएको हो ।

चितवन मेडिकल कलेजमा रहेको कोभिड ल्यावमा गरिएको परीक्षणका क्रम्ममा सबै भन्दा बढी रत्ननगर नगरपालिकामा ३८ जना कोरोना संक्रमित देखिदा भरतपुर महानगरपालिकामा २२ जना, राप्ती नगरपालिकामा ८ जनामा कोरोना भाइरस (कोभिड – १९) संक्रमण पुष्टि भएको अस्पतालका माइक्रोबाइयोलिष्ट डा. नवीन कुमार चौधरीले बताउनुभयो ।

शनिबार फेला परेका सबैभन्दा बढी संक्रमित रत्ननगर नगरपालिकाको वर्डा नम्बर ४ हो । त्यहाँको शिवशक्ति खाद्य उद्योगमा कार्यारत १० जनामा पहिलो पटक कोरोना संक्रमण पुष्टि भएको थियो । त्यसपछि आज अन्य ८० जनाको परीक्षण गर्दा ३७ जनाको रिपोर्ट पोजिटिभ आएको डा.चौधरीले बताउनुभयो । ती मध्य ३५ जना पुरुष र दुई जना महिला रहेका छन् । संक्रमित सबैलाई अहिले सोही उद्योगमा आइसोलेसन बनाएर राखिएको छ । रत्ननगर १० मा समेत एक पुरुषमा कोरोना भाइरस संक्रमण पुष्टि भएको छ ।