काठमाडौं उपत्यकामा कोरोना संक्रमण बढे संगै बुढानिलकण्ठ नगरपालिकामा पनि कोरोना संक्रमित दिनानुदिन बढ्दै गएको छ। यसै बिचमा नगर प्रमुख उद्धब खरेलले भौतिक दुरी कायम गर्न,मास्क लगाउन र अनावश्यक भेटघाट बन्द गर्न अनुरोध गरेका हुन् ।

नगरपालिकाले कोरोना जोखिम न्यूनीकरणका लागि नगरपालिका क्षेत्र भित्र संचालित अत्यावश्यक र स्वास्थ्य सम्बन्धि सेवा बाहेक अन्य सम्पूर्ण व्यवसायहरु साँझ ८ बजे देखि अनिवार्य रुपमा बन्द गर्ने निर्णय भएको जानकारी गराउदै नगर क्षेत्र भित्र संचालित सैलुन फुटसल ब्युटी पार्लर जिमखाना आदि अर्को व्यवस्था नभए सम्मको लागि अनिवार्य बन्द गर्ने निर्णय भएको पनि जानकारी गराए ।

त्यसैगरी उनले नगर क्षेत्र भएका मठ मन्दिर, चर्च, मस्दिज, गुम्बा, गुरुकुल मदरसा लगायतका धार्मिक स्थलहरुमा भिड भाड हुन नदिन आवश्यक सुरक्षा सतर्कता अपनाउन,नगर क्षेत्र भित्र संचालित सडक चियापसल ठेला व्यवसायहरु हाललाई पूर्ण रुपमा बन्द गर्ने निर्णय भएको पनि बताए।

उनले सपिंग मल, सुपर मार्केट, र ठुला होलसेल पसलहरु तथा ग्राहकबीच अनिवार्य रुपमा न्यूनतम दुरी कायम राख्ने, प्रवेशद्वार र आवश्यक स्थानमा साबुन पानि सहित हात धुने व्यवस्था गर्न र स्यानीटाइजरको प्रयोग गर्ने व्यवस्था गर्न पनि अनुरोध गरिएको बताए।होटल, रेस्टुरेन्ट, क्याफे र खाजघर लगायतका व्यवसायहरुले टेक वे घरमा पुर्याउने सुबिधाको रुपमा मात्र संचालन गर्न पनि अनुरोध गरेका छन ।

उनले सङ्क्रमण रोक्न अपनाउनुपर्ने न्यूनतम मापदण्ड अपनाउन सबैलाई आग्रह गरेका छन ।

क्याटेगोरी : समाचार
ट्याग : #budhanilkantha municipality

---

---

---