कांग्रेस पाँचखपनद्धारा राहत हस्तान्तरण

साझापाना २०७७ जेठ २४ गते २१:२८ मा प्रकाशित

नेपाली कांग्रेस पाँचखपन नगर कार्य समितिले पाँचखपन नगरपालिकालाई राहत हस्तान्तरण गरेको छ । लकडाउनले समस्यामा परेकाहरुलाई राहत वितरण गर्न नगरपालिकालाई राहत सामाग्री हस्तान्तरण गरेको हो ।

विश्व महामारीको रुपमा फैलिएको कोरोना भाइरस कोभिड–१९ का कारण दैनिक ज्याला मजदुरी गर्ने र विपन्न परिवारलाई वितरण गर्न कांग्रेसले राहत हस्तान्तरण गरेको समितिका सभापति चित्रप्रसाद श्रेष्ठले बताउनुभयो ।

समितिले ४ लाख ५१ हजार १ सय ७५ रुपैंया मूल्य बराबरको राहत सामाग्री हस्तान्तरण गरेको हो । ३ सय ३२ बोरा चामल, २० कार्टुन तेल नगरपालिकालाई हस्तान्तरण गरेको हो । यसअघि नेपाल कम्युनिष्ट पार्टी (नेकपा) पाँचखपनले पनि १ लाख ६ सय ४० मूल्य बराबरको ७४ बोरा चामल नगरपालिकालाई हस्तान्तरण गरेको थियो ।