सुदूरपश्चिमविरुद्ध जनकपुरको मध्यम सुरुआत

साझा पाना २०८१ पुस ३ गते १३:४७ मा प्रकाशित

काठमाडौं। नेपाल प्रिमियर लिग (एनपीएल) को पहिलो क्वालिफायरमा सुदूरपश्चिम रोयल्सविरुद्ध जनकपुर बोल्ट्सले मध्यम सुरुआत गरेको छ ।

टीयु क्रिकेट मैदानमा टस जितेर पहिला ब्याटिङ गरेको जनकपुरले ८ ओभरको खेल सकिँदा २ विकेट गुमाएर ४७ रन जोडेको छ ।

जनकपुरका शुभ कंशाकार १९ बलमा १६ रन र हर्ष थाकर ५ बलमा ६रन बनाएर खेलिरहेका छन् । ओपनर लाहिरु मिलान्था १४ बलमा १२ र कप्तान आसिफ शेख १० बलमा ११ रन बनाएर आउट भए ।

बलिङमा सुदूरपश्चिमका कप्तान दीपेन्द्रसिंह ऐरी र सैव अलि जैवले एकएक विकेट लिएका छन् । यो खेलको विजेता फाइनल प्रवेश गर्नेछ ।

क्याटेगोरी : खेलकुद
ट्याग : #breaking, #सुदूरपश्चिमविरुद्ध जनकपुरको मध्यम सुरुआत