चाँगुनारायण कप फुटसल हुने

साझा पाना २०८१ मंसीर २१ गते २०:२७ मा प्रकाशित

प्रदिप ढकाल ,भक्तपुर
मंसिर २२, शुक्रबार ।

झौखेल युवा क्लबको आयोजनामा चाँगुनारायण दुवाकोटमा फुटसल प्रतियोगिता हुने भएको छ ।आगामी मंसिर २९ गते चाँगुनारायण नगरपालिका–२ फौढोकास्थित फौढोका फुटसलमा चाँगुनारायण नगरपालिका फुटसल प्रतियोगिता – २०८१ आयोजना गरिने झौखेल युवा क्लबका अध्यक्ष देवेंद्र गेलालले जानकारी दिए । प्रतियोगितामा चाँगुनारायण नगरपालिकाका प्रत्येक वडा स्तरिय टिमले सहभागिता जनाउने छन्।

प्रतियोगिता संयोजक देवेंद्र गेलालले चाँगुनारायण नगरपालिकामा फुटबलसँगै फुटसलको विकास गर्ने उद्देश्यसहित प्रतियोगिता आयोजना गर्न लागेको बताए । उनले उक्त प्रतियोगिताको विजेता टिमलाई शिल्ड, मेडल तथा प्रमाणपत्र सहित १ लाख रुपैयाँ नगद पुरस्कार प्रदान गरिने बताए । त्यस्तै उपविजेता टिमलाई ५० हजार प्रदान गरिनेछ । टिम दर्ता खुला रहेकोले टिम दर्ता गर्न ९८४९२६७६६३मा सम्पर्क गर्न सकिने समेत आयोजकले जनाए।