स्वतन्त्र उम्मदेवार प्यारीलाल शाही चङ्खेली अध्यक्षमा निर्वाचित

साझा पाना २०७९ जेठ ६ गते १४:०३ मा प्रकाशित

हुम्ला। हुम्लाको चंखेली गाउँपालिका अध्यक्षमा स्वतन्त्रबाट उम्मेदवार प्यारीलाल शाही विजयी भएका छन् । उपाध्यक्षमा एकीकृत समाजवादीका प्रेमकला शाही विजयी भएकी छन्।

अध्यक्ष स्वतन्त्रबाट उठेका शाहीले १ हजार ५ सय २३ मत प्राप्त गर्दा निकटतम प्रतिस्पर्धी गठबन्धनका उम्मेदवार माओवादी केन्द्रका गोविन्दबहादुर शाहीले १ हजार २० मत पाए ।

उपाध्यक्षमा समाजवादीका प्रेमकला शाहीले १ हजार २ सय ६३ मत ल्याएर विजयी भएकी हुन् । कांग्रेसका मैना बुढाले १ हजार २७ मत पाइन्।

क्याटेगोरी : स्थानीय
ट्याग : ##हुम्ला, #चंखेली गाउँपालिका, #प्यारीलाल शाही