तारकेश्वर नगर स्तरीय गायन, नृत्य र अभिनय प्रतियोगिताको दोस्रो चरण सम्पन्न

साझा पाना २०७७ साउन ५ गते १७:१७ मा प्रकाशित

तारकेश्वर काठमाडौ । तारकेश्वर नगर स्तरीय गायन, नृत्य र अभिनय प्रतियोगिताको दुई चरणको प्रतिस्पर्धा सम्पन्न भएको छ।

बाल बालिकाहरुलाई कोरोनाको त्रास बाट मुक्त गराउन सामाजिक दूरी कायम गर्दै आयोजना गरिएको छ।

निर्णायकहरुले दिएको अंकको आधारमा गायनमा ६ , अभिनयमा ४ र नृत्यमा १६ जाना प्रतिस्पर्धी फाइनलमा प्रवेश गरेका छन्।

प्रतियोगिता अबको केही समयमानै फाइनल हुने कार्यक्रम संयोजक अमृत ढकालले बताउनुभयो।

कार्यक्रमका निर्णायकका रुपमा किशोर भण्डारी दिट्ठा साब ,सुमा लामिछाने , अजय अधिकारी सुशील , सिता सुवेदी , सुशील फुयाँल लगायतका कलाकार रहेका छन ।

तारकेश्वर भित्र धेरै प्रतिभाहरु रहेछन्, यस्तो थाहा पाउँदा र उनीहरुलाई हेर्न पाउँदा आफू ज्यादै खुसी रहेको कलाकार किशोर भण्डारी दिट्ठा साबले बताए ।

डर र त्रासको बीच यो कार्यक्रम गरिएकोले धेरै बालबालिकाहरू छुट्नुभएको छ त्यसैले आगामी दिनहरूमा यस्ता किसिमका थुप्रै कार्यक्रम हरु सबैलाई समेटेर ल्याउने कार्यक्रमका निर्देशक सुशील फुयाँलले बताए।

कार्यक्रममा अतिथि निर्णायकका रूपमा एक खुट्टाले शास्त्रीय नृत्य गर्ने सिता सुवेदीले सबैलाई केही समय आफ्ना कुरा हरु राखेर संघर्षका कुरा हरु बताएर प्रेरित गर्नुभयो।

केही समय पछि भव्य समारोहका बीच कार्यक्रमको फाइनल र तारकेश्वर सांस्कृतिक प्रतिष्ठानको समुद्घाटन हुनेछ।

प्रतिष्ठानका लागी तारकेश्वर भित्र रहनुहुने सबै कलाकारहरुलाई एकीकृत गर्ने कार्य भइरहेको छ। यसले अब आउने पिडी हरुलाई सांस्कृतिक रूपमा अघि बढ्न मद्दत गर्नेछ। तारकेश्वर सांस्कृतिक प्रतिष्ठानका प्रणेता, कलाकार एवम् संयोजक अजय अधिकारी सुशीलले बताए।