सुनको मूल्य ८ सय रूपैयाँले घट्यो

साझा पाना २०८२ वैशाख ५ गते ११:२६ मा प्रकाशित

काठमाडौं, ५ वैशाख । नेपाली बजारमा आज सुनको मूल्य तोलामा ८ सय रूपैयाँले घटेको छ ।

नेपाल सुनचाँदी व्यवसायी महासंघका अनुसार अघिल्लो दिनको तुलनामा सुनको मूल्य ८०० रुपैयाँ घटेको हो । जसअनुसार आज छापावाल सुन प्रतितोला १ लाख ८९ हजार ८०० रुपैयाँमा कारोबार भइरहेको छ ।

बिहीबार प्रतितोला १ लाख ९० हजार ६०० रुपैयाँ कारोबार भएर ऐतिहासिक मूल्य कायम भएको थियो ।

आज चाँदीको मूल्य भने स्थिर रहेको छ । बिहीबार झैँ आज पनि चाँदी प्रति तोलामा १ हजार ९६० रुपैयाँमा कारोबार भइरहेको छ ।

क्याटेगोरी : अर्थ
ट्याग : #सुनको मूल्य ८ सय रूपैयाँले घट्यो