नेपालमा थप ७ जनामा कोरोना संक्रमण, संक्रमितको संख्या १०९ पुग्यो

साझापाना २०७७ वैशाख २७ गते ११:२६ मा प्रकाशित

काठमाडौं । नेपालमा थप ७ जनामा कोरोना भाइरसको संक्रमण देखिएको छ । शनिबार थप ७ जनामा कोरोना भाइरस पुष्टि भएपछि नेपालमा कोरोना संक्रमितको संख्या १०९ पुगेको छ ।

स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीका अनुसार राष्ट्रिय जनस्वास्थ्य प्रयोगशाला, काठमाडौं, कोशी अस्पताल विराटनगरको प्रयोगशालामा गरिएको परीक्षणमा नयाँ ७ जनामा कोरोना पुष्टि भएको हो ।

संक्रमित उदयपुर, कपिलवस्तु र पर्साका छन् । संक्रमितहरुको स्वास्थ्य अवस्था सामान्य भएको र अहिले स्वास्थ्यकर्मीको निगरानीमा रहेको मन्त्रालयले जनाएको छ ।

क्याटेगोरी : ब्रेकिंग न्युज
ट्याग : #थप ७ जनामा कोरोना