प्रदिप ढकाल ,भक्तपुर
मंसिर २९, शनिवार ।

प्रथम चाँगुनारायण नगरपालिका कप फुटसल प्रतियोगिता २०८१ को उपाधि यापी भैरव क्लबले जितेको छ। चाँगुनारायण नगरपालिका–२ फौढोका स्थित फौढोका फुटसलमा भएको फाइनल भिडन्तमा यापी भैरव क्लबले माउण्ट एभेरेस्ट क्लबलाई ४–० ले हराउँदै उपाधि उचाल्न सफल भएको हो।

विजेता बनेको यापी भैरव क्लबले शिल्ड, मेडल सहित १ लाख रुपैयाँ नगद पुरस्कार हात पार्यो भने माउण्ट एभेरेस्ट क्लबले ५० हजार रुपैयाँमा चित्त बुझायो । विजयी खेलाडीहरुलाई भक्तपुर क्षेत्र नं २ का प्रतिनिधि सभा सदस्य एवं नेपाली कांग्रेस जिल्ला सभापति माननीय दुर्लभ थापाले पुरस्कृत गरे। प्रतियोगिताको सर्वोत्कृष्ट खेलाडी यापी भैरव क्लबका सुमन दाहाल चुनिए भने सर्वोत्कृष्ट गोलरक्षक पनि यापी भैरव क्लबबाटै पुजन थुयाँ घोषित भए। उक्त कार्यक्रममा चाँगुनारायण नगरपालिका प्रदेश संसद सुरेश श्रेष्ठ, नगरप्रमुख जीवन खत्री, पूर्व प्रदेश मन्त्री कृष्णलाल भड़ेल, नेपाली कांग्रेस चाँगु नगर सभापति शिवहरि केसी लगायतको उपस्थिति रहेको थियो। झौखेल युवा क्लबको आयोजनामा भएको प्रतियोगितामा कुल १२ टोलीले सहभागिता जनाएका थिए ।

थप समाचार

पारदर्शिता, संरचना र सहकार्यको बाटोमा बर्दिवास उद्योग वाणिज्य संघको तीन…

५०औँ जन्मदिनमा बर्दिवासका बालबालिकाका लागि हिरा गौतमको योगदान

बर्दिवासमा पद्म शमशेर खड्का स्मृति प्रतिष्ठानको घरदैलो अनुगमन

बर्दिबास साहित्यको हीरक अङ्कमा हिरा गौतमको अक्षयकोष घोषणा