बालाजु प्रहरी द्धारा बिभिन्न होटलमा छापा , १३४ जना पक्राउ

साझापाना २०७५ साउन २० गते १३:२७ मा प्रकाशित

काठमाडौ । महानगरिय प्रहरी बृत बालाजुको बिशेष स्वीच अपरेशनले आज बिभिन्न अपराधिक कृयाकलापमा संग्लङ्ग १३४ जनालाई प्रकाउ गरि नियन्त्रणमा लिएको छ ।

प्रहरीले आज गरेको स्वीच अपरेशनमा बालाजु बाइपासबाट मुड्खु सम्मको बिभिन्न होटलमा छापा हान्दा २३ जना महिलाहरु पक्राउ परेका प्रहरी बृत बालाजुले जनाएको छ ।

बिषेश गरि सो स्थानका होटलहरुमा यौन जन्य गतिबिधिहरुको बृद्धि भएको जनगुनासोका आधारमा अपरेशन थालिएको बालाजु प्रहरी बृतका डि.एस.पि चिरिञ्जीवी कोइरालाले जानकारी दिए ।

उत होटलहरुमा छापा हान्ने क्रममा होटलहरुकै आन्तरीक सुरागीका आधारमा केही जोडीहरु भाग्न सफल समेत भएका छन ।
प्रहरीले आज अनमोल रिसोट , निगालो होटल लगायतका ठाउँहरुमा छापा मारेको हो ।

बिभिन्न स्थाहरुबाट जुवाडे पक्राउ

प्रहरी बृत बालाजुको आजैको स्वीच अपरेशनबाट लाखौ लाख रुपैया बराबरको बाजी राखी तास खेल्ने जुवाडेहरु समेत पत्राउ गरिएको डि.एस.पि कोइरालाले बताए ।

तास संगै प्रहरीले बनस्थली , माछापोखरी , गंगा हल श्रेत्रबाट क्यारेमबोड , पोट , स्नुकरमा ठुलो रकम बाजी खेलीरहेकाहरुलाई समेत नियन्त्रणमा लिइ करिब १३४ जनालाई कारवाई प्रक्रीया अगाडी बढाएको बालाजु प्रहरी बृतले बताएको छ ।

आफु केही साता मात्र सरुवा भएर आएको र सो श्रेत्रमा अपराध नियन्त्रण गरि नागरीकको सुरक्षाका लागी कुनै पनि सम्झैता नगर्ने बृतका प्रमुख डिएसपी कोइरालाको भनाइ छ ।