ब्रेकिंग न्युज

शेरबहादुरको राजिनामापछि के ओलीले गर्लान् यी ५ मन्त्रीलाई पदच्युत ?

पुकार तिमलसिना

काठमाडौं । शेरबहादुर तामाङले न्याय कानुन तथा संसदीय मामिलामन्त्रीबाट राजिनामा दिएका छन् । मंगलबार दिउँसो पत्रकार सम्मेलन गरेर तामाङले राजिनामा दिएका हुन् ।

तामाङले कुरा नबुझी नेपाली चेलीलाई मानमर्दन हुनेगरी अभिव्यक्ति दिएको, गैर जिम्मेबार बनेको भन्दै कानुनमन्त्री शेरबहादुर तामाङको राजिनामा माग गरिएको थियो ।

तामाङको राजिनामापछि प्रधानमन्त्री केपी शर्मा ओलीले विवादमा आएका, सरकारको स्पिरिटविपरित हिँडेका र सरकारलाई बदनाम गराउने काम मात्र गरेका मन्त्रीहरुलाई कारवाहीको दायरा भित्र ल्याउन आवश्यक छ ।

ओलीले सरकारका प्रवक्ता रहेका सञ्चारमन्त्री गोकुल बास्कोटा, श्रममन्त्री गोकर्ण विष्ट, यातायात मन्त्री रघुवीर महासेठ, अर्थमन्त्री युवराज खतिवडा र पर्यटनमन्त्री रविन्द्र अधिकारीहरु संग आम बिकाश प्रेमी जनता रुष्ठ रहेका छन । ।के प्रधानमन्त्रि ओलीले अन्य केही मन्त्रिलाई राजीनामा दिन दवाब देलान त ? यो अहिले आम चासोको बिषय बनेको छ ।

सञ्चारमन्त्री बास्कोटा यसकारण विवादमा !

बास्कोटा सरकारका प्रवक्ता भएर अत्यधिक विवादमा आएका मन्त्री हुन् । ओलीका प्रिय भए पनि उनले मिडियामा प्रहार गरेको, निर्णयहरू कार्यान्वयन नगरेको भन्दै ओलीले हटाउन लागेको हल्ला बाहिर आएको छ ।

श्रममन्त्री बिष्ट यसकारण विवादमा !

श्रममन्त्री विष्टले मेलेरियामा कामदारको स्वास्थ्य परिक्षण गर्ने संस्थामा धरपकट गरेको र त्यसलाई कार्यान्वयन गर्न नसकेका कारण हटाउन लागिएको बुझिएको छ ।

यातायातमन्त्री महासेठ यसकारण विवादमा !

उच्च स्रोतका अनुसार ओलीले यातायात सिन्डिकेटलाई काखा च्यापी सरकारको योजनाविरूद्ध हिँडेका कारण यातायातमन्त्री रघुवीर महासेठलाई हटाउन लागेको पाइएको छ । सरकारले यातायात सिन्डिकेट तोड्ने निर्णयसहित यातायात व्यवस्था विभागलाई चलाएमान बनाउँदा महासेठले त्यहि आक्रमण गरी मनलाग्दी निर्णय गरेका थिए ।

अर्थमन्त्री खतिवडा यसकारण विवादमा !

यता देशको अर्थतन्त्रलाई धराप पार्नेगरी, पार्टीमैत्री नभएका कारण अर्थमन्त्री युवराज खतिवडालाई हटाउन लागेको पाइएको छ । स्रोतका अनुसार खतिवडाले पार्टीले ल्याएका योजना र कार्यकर्ताको मानमर्दन गरेको ओलीकहाँ गुनासो पुगेको थियो । भारतीय दबाबमा राष्ट्रियसभा सदस्य बनाउँदै खतिवडालाई विज्ञका रूपमा ओलीले अर्थ मन्त्रालयको जिम्मा दिएका थिए ।

पर्यटनमन्त्री अधिकारी यसकारण विवादमा !

कास्की जिल्लाका पर्यटनमन्त्री अधिकारीले सुरक्षाकर्मीलाई छाता ओडाउन लगाएर आफू पैदल यात्रा हिँडेको तस्वीर सामाजिक सञ्जालमा भाईरल भएपछि उनको चर्को आलोचना भएको थियो । सामाजिक सञ्जालमा उनको तस्वीरलाई लिएर अनेकौ टिकाटिप्पणी समेत भएका थिए ।

त्यस्तै केही समयअघि पत्रकारले विमान खरिदबारे प्रश्न राख्दा उनले पत्रकारलाई दुव्र्यवहार गरेका कारण पनि उनी आलोचित भएका थिए । पत्रकारको माइक समेत फालेर अनेक भनेपछि प्रधानमन्त्री ओलीले उनलाई आफ्नो सरकारमा राख्न नचाहेको स्रोतले जनाएको छ ।
मन्त्री अधिकारीले ६० करोढ रुपैयाँ आफू खुसी बाँडेका कारण पनि उनी चर्को विवादमा तानिएका छन् ।

 

Facebook Comments
Tags
Show More

Related Articles