जसपाका प्रभावशाली नेताहरु एमाले प्रवेश

साझा पाना २०७९ साउन २१ गते ०९:२० मा प्रकाशित

काठमाडौं, २० साउन । संसदीय निर्वाचनको मिति तोकिएसँगै राजनीतिक गतिविधि बढेको छ । दलहरुले तयारी थालेका छन् ।

प्रमुख प्रतिपक्षी नेकपा (एमाले)मा भने देशव्यापी पार्टी प्रवेशको क्रम निरन्तर भइरहेको छ ।

यसै क्रममा आज जसपाका नेताहरुले एमाले रोजेका छन् । एमाले प्रवेश गर्नेहरुमा संविधान सभा सदस्य तथा जसपा केन्द्रीय सदस्य लुम्बिनीका काशिम अली सिद्धुकी, संविधान सभा सदस्य तथा जसपा केन्द्रीय सदस्य पर्साकी आशा चतुर्वेदी तथा जसपा लुम्बिनी प्रदेश कमिटी सदस्य स्वेता श्रीबास्तवलगायत रहेका छन् ।

उनीहरुलाई अध्यक्ष केपी शर्मा ओलीले आफ्नै निवास बालकोटमा पार्टी प्रवेश गराएका हुन् ।