आज (सोमबार) सेयर बजारमा सकारात्मक माहोल देखिएको छ। गत साताको मंगलबारदेखि लगातार बढेको बजारले आज पनि उकालो यात्रालाई नै निरन्तरता दिएको हो। बजारमा यतिबेला सुधारको संकेत देखिएको छ।नेपाल स्टक एक्सचेञ्जका अनुसार आज (सोमबार) सेयर कारोबार मापक नेप्से परिसूचक १८.०३ अंकले बढेर २०२९.४३ विन्दुमा पुगेको छ ।

नेप्से ०.९० प्रतिशतले बढेको हो । यता सेन्सेटिभ परिसूचक पनि २.८३ अंकले बढेर ३८८.७६ विन्दुमा पुगेको छ ।कूल २११ वटा कम्पनीको ३१ लाख ४२ हजार ४ सय २ कित्ता सेयर खरिदबिक्री हुँदा एक अर्ब ३१ करोड २९ लाख ६२ हजार ९ सय ६० रूपैयाँ बराबरको कारोबार भएको नेप्सेले जनाएको छ। स्टकका अनुसार कारोबार भएका कूल १३ उपसमूहमध्ये आज ११ वटा उपसमूहको सेयर बढेको छ भने बाँकी २ वटा उपसमूहको सेयर घटेको छ। व्यापार र म्युचुअल फण्ड समूह घटेका हुन्।

सोमबार शिवम् सिमेन्टको सर्वाधिक कारोबार भएको छ । कम्पनीको ९ करोड ३४ लाख ८१ हजार रूपैयाँ बराबरको कारोबार भएको हो।आज बरूण हाइड्रोका लगानीकर्ताहरूले सबैभन्दा धेरै कमाएका छन्। कम्पनीको सेयरमूल्य ९.९८ प्रतिशतले बढेर २ सय ९८ रूपैयाँ ६० पैसा पुगेको छ। यस दिन सानिमा लार्ज क्याप फण्डको मूल्य सबैभन्दा धेरै घटेको छ। उक्त फण्डको मूल्य ५.९० रूपैयाँले घटेर ८ रूपैयाँ ७७ पैसामा झरेको छ ।

क्याटेगोरी : समाचार
ट्याग : #सेयर बजार

---

---

---