प्रतिबन्धित बिष्फोटजन्य पदार्थ (पटका) बिक्री गरेको आरोपमा एक जना पक्राउ

प्रनिश थापा चितवन संवाददाता २०७८ असोज २८ गते ०८:४२ मा प्रकाशित

चितवन । चितवनमा प्रतिबन्धित बिष्फोटकजन्य पदार्थ (पटका) बिक्री गरेको आरोपमा प्रहरीले एक जनालाई पक्राउ गरेको छ ।

जिल्ला प्रहरी कार्यालय चितवनका अनुसार भारत देश पुर्वी चम्पारण मोतिहारी जिल्ला प्रताप मठिया घर भई हाल भरतपुर महानगरपालिका वडा नम्बर २० स्थित चनौलीमा डेरा लिई बसोबास गर्दै आएका २९ बर्षिया बिकास साहलाइ प्रहरीले पक्राउ गरेको हो ।

पक्राउ परेका साहले पटका बिक्रीबितरण गरिरहेको भन्ने सुचनाको आधारमा खटिएको खटिएको प्रहरीको टोलीले उनको कोठामा खानतलासी गर्दा प्रतिबन्धित सानो पटका २०४४ पिस, रकेट पटका १०० पिस, झुरझुरे पटका १०० पिस र ठुलो खुर्सानी पटका २ प्याकेट फेला परेको थियो ।

पक्राउ परेका साह विरुद्ध बिष्फोटजन्य पदार्थ सम्बन्धी मुद्धामा सम्मानित चितवन जिल्ला अदालतबाट म्याद अनुमती लिई थप अनुसन्धान गर्ने कार्य भईरहेको चितवन प्रहरीका प्रवक्ता नरहरी अधिकारीले जानकारी दिए ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय