एमाले वागमती प्रदेशको मुख्य सचेतकमा दीपक निरौला

साझा पाना २०७८ वैशाख २३ गते १५:३५ मा प्रकाशित

हेटौँडा । नेपाल कम्युनिष्ट पार्टी एमाले वागमती प्रदेशको मुख्य सचेतकमा दीपक निरौला मनोनीत हुनु भएकाे छ । आन्तरिक मामिला तथा कानूनमन्त्रीको जिम्मेवारी नुवाकोटका केशवराज पाण्डेले सम्हाल्नु भएपछि रिक्त रहेको सो पदमा निरौलालाई मनोनीत गरिएको हो ।

मुख्यमन्त्री डोरमणि पाैडेलले दलको विधान २०७७ को दफा १३ बमोजिम निरौलालाई मनोनयन गर्नु भएकाे हाे ।

निरौलालाई गत १७ गते मुख्य सचेतकमा नियुक्त गरि आज बागमती प्रदेश सभा सचिवाललाई जानकारी समेत गराइएको हो ।

नेकपा एमाले काठमाडौं जिल्ला कमिटीका सचिव रहेका निरौला काठमाडौं क्षेत्र नं ५ (२ ) बाट प्रदेश सभामा निर्वाचित भएका हुन् ।

क्याटेगोरी : समाचार
ट्याग : #दीपक निरौला