दर्शकको मन जित्दै सरोजको निरकमला

साझा पाना २०७७ माघ १० गते ०८:३५ मा प्रकाशित

मेलम्ची । काँठ क्षेत्रका चर्चित एबम सबैको मन मुटुमा बस्न सफल भएका लोकदोहोरी गायक सरोज लामिछानेको एकपछी अर्को गित हिट हुँदै गएको छ । पछिल्लो समय भर्खरै सार्बजनिक भएको निरकमला गित उत्कृष्ट भएको दर्शक तथा श्रोताले बताएका छन । सिन्धुपाल्चोकको माटोमा जन्मिएका लामिछानेले सांगितिक बजारमा नेपाली लोक गीतको छुट्टै स्थान खडा गरिसकेका छन् । निरकमला अहिले लोकप्रिय बन्दै गइरहेको छ ।

गीतको कोरियोग्राफरमा दिपक बी.सी. रहेका छन् भने गोविन्द पराजुली र सागर बाजुराली रिकोडिस्ट रहेका छन् ।उक्त गीतमा लोक दोहोरी गीतका गायक सरोज लामिछानेका साथै रेखा लामाले स्वर दिएकी छन् । विराज फुयाल र सन्दिप घिमिरेले निर्देशन गरेको गीतको भिडीयोमा दिनेश थापा, राजेश ढकाल, प्रीति तामाङ, सिर्जना किराति, मनीष खड्का, सिमा भण्डारी, सुनीता अधिकारी र कृतिषा कार्कीको अभिनय हेर्न सकिनेछ ।

लामिछानेको नेपाली गीत संगीतको क्षेत्रमा एकपछि अर्को गर्दै उत्कृष्ट गीतहरु बजारमा आइरहेका छन् । यसै सन्दर्भमा लोकप्रिय गायक एवम् सर्जक सरोज लामिछानेको गीत ‘निरकमला’ सार्वजनिक भएको छ ।

उक्त गीतको सम्पादन अविनाश डी.सी. ले गरेका छन् । त्यस्तै गीतको शब्द संकलन अनि लय पनि स्वयम् गायक सरोज लामिछानेले नै गरेका हुन् । गीत सरोज लामिछाने नामक युट्युव च्यानल मार्फत हेर्न सकिने लामिछानेले बताउनुभयो ।

यसअघिका चर्चित बदम खाको सुन्तला छोडाको,सालको पात हे माया,हे मेरो सानू,कोठा भाडा तिर्दिने मैले हो जस्ता थुप्रै गितले दर्शक तथा श्रोताको मन जितिसकेका छन् ।