पाँच डिएसपीको काज सरुवा, बालाजुमा बालनर सिंह राणा

साझा पाना २०७५ पुस १७ गते १५:०१ मा प्रकाशित

काठमाडौं । प्रहरी प्रधान कार्यालयले पाँच जना प्रहरी नायब उपरिक्षक (डिएसपी) हरुको काज सरुवा गरेको छ । प्रहरी प्रधान कार्यालयले दिएको जानकारी अनुसार महानगरीय प्रहरी वृत, बालाजुमा डिएसपी बालनरसिंह राणाको काज सरुवा भएको छ ।

महानगरीय प्रहरी वृत बालाजुमा कार्यरत चिरञ्जीवी कोइरालालाई त्यहाँबाट हटाइएको छ । बालाजुमा कार्यरत कोइरालालाई जिल्ला प्रहरी कार्यालय बाग्लुङमा सरुवा गरिएको छ ।

यस्तै ओखलढुंगाको प्रहरी प्रमुखमा डिएसपी पुष्प मल्लको काज सरुवा भएको प्रहरी प्रधान कार्यालयले जनाएको छ । ईलाका प्रहरी कार्यालय बिर्तामोडको प्रमुखमा सुवास खड्काको सरुवा भएको छ ।

त्यस्तै डिएसपी कृष्ण कोईरालालाई महानगरीय प्रहरी त्रिभुवन विमानस्थल सुरक्षा कार्यालयमा सरुवा गरिएको छ ।

क्याटेगोरी : विशेष