जनकपुरधाम । सिरहाका नेपाल कम्युनिस्ट पार्टी (नेकपा)का नेता सुवर्ण यादवमाथि बम प्रहार हुँदा गम्भीर घाइते हुनुभएको छ । पूर्वगाविस अध्यक्षसमेत रहनु भएका यादवमाथि शुक्रबार राति मध्यरातमा बम प्रहार भएको हो ।

औरही गाउँपालिका–५ स्थित घरमा सुतिरहेका बेला यादवमाथि अज्ञात समूहले बम प्रहार गरेको बताइएको छ ।

उहाँको शरीरको विभिन्न भागमा बमको छर्रा लागेको छ । बेहोस् हुनु भएका उहाँलाई उपचारका लागि सिरहा सदरमुकाम लगिएको प्रहरीले जानकारी दिएको छ ।

बम विस्फोटले घरमा भने क्षति पुर्‍याएको छैन । छर्रा लागेर यादव कोठामै बेहोस् भएपछि बम प्रहार गर्नेलाई चिन्न सकिएको छैन ।

प्रहरीले पनि बम कसले प्रहार गरेको विषयमा केही खुल्न नसकेका जनाएको छ । प्रहरी चौकी औरहीले घटना विषयमा छानबिन सुरु गरिएको बताएको छ ।

क्याटेगोरी : विशेष
ट्याग : #नेकपाका नेता

---

---

---