एमालेसँग गठबन्धन वा एकता हुन सक्छ: वर्षमान पुन

साझा पाना २०७९ साउन १९ गते १३:०७ मा प्रकाशित

काठमाडौं । नेकपा माओवादी केन्द्रका केन्द्रीय कार्यालय इञ्चार्ज एवम् स्थायी समिति सदस्य वर्षमान पुन ‘अनन्त’ले एमालेसँग माओवादीको गठबन्धन वा पार्टी एकताको सम्भावना रहेको बताएका छन् ।

एमालेका नेताहरुसँग आफूहरुको संवाद भइरहेको समेत खुलासा गर्दै उनले दीर्घकालीन रुपमै काँग्रेससँग सहकार्यको नीतिमा आफूहरु नरहेको समेत स्पष्ट पारेका छन् । वामपन्थी र विचार मिल्ने शक्तिहरुसँग सहकार्य र एकताको प्रक्रियामा आफूहरू अघि धारणा उनले व्यक्त गरेका छन् ।

एक टेलिभिजन कार्यक्रमलाई अन्तर्वार्ता दिँदै उनले भनेका छन्, ‘एमाले अध्यक्ष केपी शर्मा ओलीले विगतको गल्ती महसुस गर्ने बित्तिकै रातारात पार्टी एकता त नहोला, तर सहकार्यको ढोका खुल्नेछ ।’ एमालेका अध्यक्ष केपी शर्मा ओलीले विगतका गल्ती स्वीकार गरे चुनावी तालमेल वा फेरि पार्टी एकता हुन सक्ने उनको भनाइ छ ।

विगतमा एमालेले वामपन्थी रुझान देखाएकाले एकता भएको र दक्षिणपन्थी रुझान देखिएपछि अलग भएको भन्दै उनले गल्तीको महसुस गरे एकताको ढोका खुल्ने बताउँदै सो कुरा बताएका हुन् ।

क्याटेगोरी : राजनीति, समाचार
ट्याग : #वर्षमान पुन