राजनीति

राजा फर्काउन चितवनमा शाही युवा शक्तिको भेला

पूर्वराजा ज्ञानेन्द्र शाह पोखरामा भेटघाटमा सक्रिय भइरहँदा शाही युवा शक्ति नेपालका नाममा भेला, बैठक गरी समिति बनाउने अभियान चलेको छ ।

चितवनमा पनि शाही युवा शक्ति नेपालले कार्यक्रम गरेको छ । पूर्वी चितवनको पर्सामा आज आयोजित भेलामा चितवनका राजावादी समर्थकहरु सहभागी भएका थिए । भेलामा उपस्थित युवा शक्ति नेपालका केन्द्रीय अध्यक्ष पशुपति खड्काले राजतन्त्र फर्काउने अभियानकै लागि देशैभर भेलाको आयोजना गरिएको बताए । उनले गणतन्त्र र संघीयताले देश झन् झन् दर्दनाक अवस्थामा पुगेकोले राजा फर्काउनुको विकल्प नरहेको दाबी गरे । भेलाले चितवनमा शाही युवा शक्ति नेपालको नयाँ समिति समेत चयन गरेको छ । पछिल्लो समयमा पूर्वराजा ज्ञानेन्द्रको राजनीतिक भेटघाट र सक्रियता बढेको छ ।

Facebook Comments
Tags
Show More

Related Articles