रसुवामा काँग्रेस पार्टीले दियो घरदैलो अभियानलाई तीव्रता

साझापाना २०७८ चैत्र १९ गते ०९:११ मा प्रकाशित

रसुवा । आगामी वैशाखमा हुने स्थानीय तहको निर्वाचन लक्षित गरि काँग्रेसले हिमाली जिल्ला रसुवामा चुनावी गतिविधि बढाएको छ । पाँच गाउँपालिका रहेको रसुवामा काँग्रेस पार्टीले घरदैलो अभियानलाई तीव्रता दिएको छ ।

नेपाली कांग्रेसले जिल्लाभर चुनावी अभियान सञ्चालन गरिरहेको छ । ‘घर घर जाऔँ, कांग्रेस जिताऊ’ अभियानका साथ नेताहरू वडास्तरसम्म परिचालन भएको कांग्रेसले जनाएको छ । यसअघि जिल्लामा केन्द्रीयस्तरका नेताबाट समेत पार्टी प्रशिक्षणलगायतका काम गरिसकेको कांग्रेसले अघिल्लो निर्वाचनभन्दा यसपटक माहोल आफ्नो पक्षमा रहेको दाबी गरिरहेको छ ।

रसुवाबाट प्रतिनिधिसभा सांसद एंव काँग्रेस केन्द्रिय सदस्य ईन्जिनियर मोहन आचार्य यस पटक पाँच वटै गाँउपालिकामा नेपाली काँग्रेसले विजय हासिल गर्ने बताउनु हुन्छ।
संमृघ्द रसुवा निर्माणका लागी रसुवालि जनताले काँग्रेसलाई नै रोज्ने उहाँ बताउनु हुन्छ। काँग्रेसले नेतृत्व गरेका गाँउपालिकामा सम्पन्न विकास निर्माणका गतिविधिले यसको पुष्ठि गरिसकेको उहाँ बताउनुहुन्छ।

पाँच स्थानीय तह भएको रसुवामा स्थानीय तहको निर्वाचनमा नेपाली काँग्रेसले दुई गाउँपालिका, नेकपा (एमाले) ले दुई गाउँपालिका र नयाँ शक्ति नेपालले एक गाउँपालिकामा विजय हासिल गरेको थियो । नयाँ शक्ति पार्टि अहिले काँग्रेस पार्टीमा विलय भै सकेको छ। रसुवामा ३२ हजार ३२३ मतदाता रहेका छन् ।

क्याटेगोरी : राजनीति, समाचार
ट्याग : #रसुवा