आज ३० जना नयाँ संक्रमित, कुल ४८७ पुगे

साझापाना २०७७ जेठ ९ गते १०:४१ मा प्रकाशित

काठमाडौँ, ९ जेठ : कोरोना भाइरस (कोभिड १९)को संक्रमण आज ३० जनामा देखिएको छ ।

स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीले राष्टिय जनस्वास्थ्य प्रयोगशाला काठमाडौँ र भरतपुर अस्पताल चितवनमा परीक्षणको क्रममा नवलपरासी, चितवन, कपिलवस्तु र सर्लाहीका संक्रमित रहेका छन् ।
नवलपरासी (वर्दघाट सुस्ता पूर्व)का विनयत्रिवेणी गाउँपालिका वडा नंं ६ निवासी ४५ बर्षीय पुरुष, चितवन भरतपुर महानगरपालिका वडा नंं ६ केशरवाघका ८४ बर्षीय पुरुष र ७३ बर्षीय महिला रहेका छन् ।

नवलपरासी सुस्ता गाउँपालिका ५ र रामग्राम नगरपालिका वडा नं. ३ र १८ निवासी ३३, ३५ बर्षीय पुरुष, १५ बर्षीय महिला, कपिलवस्तु वाणगंगा नगरपालिका, महादेवी गाउँपालिका निवासी क्रमश २४, २५, २७, २९, ३४, ३६, ४५ र ५३ बर्षीय पुरुषहरु र ८ बर्षीया बलिका रहेका छन् ।

यसैगरी नयाँ संक्रमितमा सर्लाही गोडैता नगरपालिका वडा नंं ८, ९, ११, १३ र १४ तथा रामनगर वहुअर्वा गाउँपालिका वडा नंं. ७ निवासी २२, २४, २५, २५, २७, ३२, ३४, ३४, ३५, ३८, ३८, ३८, ३९ बर्षीय पुरुषहरु र १८ बर्षीया महिला रहेका छन् ।

नयाँ आज भेटिएका संक्रमितसंगै अहिलेसम्म संक्रमितको संख्या ४८७ जना पुगेको छ । हिजो विहिबार मात्र ३० जनामा संक्रमण देखिएको थिए । अहिलेसम्म कोभिड १९ को संक्रमणबाट तीन जनाको मृत्यु भएको छ ।
उहाँका अनुसार संक्रमितको स्वास्थ्य अवस्था सामान्य र स्वास्थ्यकर्मीको निगरानीमा रहेका छन् ।

क्याटेगोरी : ब्रेकिंग न्युज, समाचार