टोखा नगरपालिकाको बिनियोजित बजेटबाट दाहालगौडाबाट पश्चिमतर्फ तिलिङ्गाटार माध्यमिक विद्यालय ब्लक ‘बि’ को पूर्वतर्फ निर्माण गरिएको पार्कको पर्खाल अज्ञात समूहद्वारा गए राति करिब १:०० बजे भत्काइएको छ।

मात्र एक महिनाअघि निर्माण सम्पन्न भएको उक्त पर्खालको लम्बाइ ३८ मिटर रहेको छ भने पर्खालमा जडान गरिएका २४ वटा बत्तीहरू समेत तोडफोड गरी क्षति पुर्‍याइएको छ।

प्रत्यक्षदर्शीहरूका अनुसार करिब २५ जनाको समूह हतियारसहित योजनाबद्ध रूपमा आएको थियो र उनीहरूले पर्खालमा तोडफोड गरेका थिए।

घटना पश्चात् स्थानीय बासिन्दाहरू ती समूहप्रति तीव्र आक्रोशित भएका छन् र छानबिन गरी दोषीमाथि कडा कारबाही गर्न माग गरेका छन्।

घटनास्थलमा नगर प्रमुख प्रकाश अधिकारी, वडा अध्यक्ष नरोतम राणा, जनप्रतिनिधि गोपी पाठक, सुरक्षा निकाय र स्थानीय बासिन्दाको टोलीले पुगेर घटनाको स्थलगत अवलोकन तथा अध्ययन गरेका छन्।

अराजक समूहद्वारा गरिएको तोडफोडप्रति टोखा नगरपालिकाले  विज्ञप्ती मार्फत घोर भत्सर्ना गर्दै दोषीहरूलाई छिटो पहिचान गरी कारबाही गर्न सम्बन्धित निकायलाई आग्रह गरेको छ।

प्रहरीले घटनाको अनुसन्धान सुरु गरिसकेको छ भने दोषी पहिचान गरी कानुनी कारबाही गरिने  जनाएको छ।

क्याटेगोरी : समाचार
ट्याग : #३८ मिटर पर्खाल र २४ बत्ती क्षतिग्रस्त, #breaking, #टोखामा मध्यराति २५ जनाको समूहले नगरपालिकाको नयाँ पर्खालमा तोडफोड

थप समाचार

तारकेश्वरका स्वास्थ्यकर्मीले ३ महिनादेखि तलब पाएनन्, कर्मचारीलाई भने लाखौं भत्ता…

दुप्चेश्वरको भाइरल दहमा पौडी खेल्न गएका काठमाडौँ टोखाका एकजना युवक…

एमाले सचिवालय बैठकबाट उमेर हद र कार्यकाल सिमाको व्यवस्था हटाउने…

रसुवा बाढीमा हराएका ८ ईभी गाडी र ८ कन्टेनर फेला