टोखाको चण्डेश्वरीको पुरात्वतिक महत्वको दुईवटा शंख चोरी

साझा पाना २०७७ वैशाख १८ गते १९:३२ मा प्रकाशित

न्यूज अफ टोखा, काठमाडौँ ।

टोखाको चण्डेश्वरी महादेवको नामले चिनिले मुस्खारेश्वर महादेवको पुरात्वतिक महत्वको दुईवटा शंख चोरी

न्यूज अफ टोखा, काठमाडौँ । टोखाको चण्डेश्वरी महादेवको नामले चिनिले मुस्खारेश्वर महादेवको पुरात्वतिक महत्वको दुईवटा शंख चोरी भएको छ ।

लिच्छविकालिन उक्त महादेवको मन्दिरमा लगाएको ताल्चा फोरी पुरात्वतिक शंखका साथै दानपेटिमा रहेको नगदसमेत गत मंगलबार राती चोरी भएको मन्दिरका पूजारी मंगल कर्माचार्यले बताएका छन् । चोरी भएको बहुमुल्य शंख कति वर्ष पुरानो हो भनेर यकिनका साथ मिति भन्न नसकिएपनि १ सयवर्षभन्दा पुरानो हुनसक्ने अडकल गरेका छन् ।

विश्वमा महामारीको रुपमा फैलिररहेको नबोल कोरोना भाइरस (कोभिड-१९) संक्रमण नियन्त्रण तथा रोकथामका लागि जारी लकडाउनको समयमा कसले चोरी गर्‍यो यकिनका साथ भन्न नसकिएता पनि उश्रृखल र लागु पदार्थको सेवन गर्ने समूहहरुको कार्य हुन सक्ने महानगरीय प्रहरी प्रभाग टोखाका प्रहरी नायव निरिक्षक सोभित अर्यालले बताएका छन् । उनले यस घटनाको बारेमा विशेष छानविन तथा अनुसन्धान अगाडी बढिरहेको समेत जनाएका छन् ।

योसँगै यस मन्दिर परिसरमा तीन पटक चोरीका घटना घटिसकेका छन् । टोखाबासीहरुको धार्मिक तथा साँस्कृतिक महत्वको यस मन्दिर परिसर दिनप्रतिदिन असुरक्षित बन्दै गैरहेको छ सम्बन्धित निकायले तत्काल सुरक्षाका लागि पहलकदमी नचाल्ने हो भने निकट भविष्यमा ठुलो दुर्घटना व्यहोर्न नपर्ला भन्न सकिन्न ।

क्याटेगोरी : समाचार
ट्याग : #टोखाको चण्डेश्वरी महादेव