संखुवासभामा आईतबारबाट एचपीभी खोप सुरु (फोटो फिचर)

खाँदबारी । हिमाली जिल्ला संखुवासभामा पाठेघरको मुखको क्यान्सर विरुद्धको एचपीभी खोप आईतबारबाट सुरु गरिएको स्वास्थ्य कार्यालयले जनाएको छ । स्थानीय तहका अधिकांश विद्यालय जाडोका कारण बन्द भएकाले खोप अभियान आईतबारबाट सुरु गरिएको हो ।

संखुवासभामा कक्षा ६ देखि १० सम्मका ७ हजार छ सय ६२ विद्यार्थी र विद्यालय नजाने १० देखि १४ वर्ष उमेरका एकहजार तीनसय त्रिहत्तर किशोरी छन् । संखुवासभामा १४४ विद्यालयका २७६ स्थानमा खोपकेन्द्र तय गरिएको छ ।

चिसोका कारण भोटखोला १, २ र ३ वडामा फागुन १८ देखि २० सम्म सञ्चालन गरिने जनस्वास्थ्य अधिकृत रोषण श्रेष्ठले बताए । उनका अनुसार भोटखोलामा चिसोका कारण विद्यालय बन्द छ ।

विकट र भौगोलिक अवश्याले खोप अभियान सारिएको स्वास्थ्य प्रमुख नारदमुनी सुवेदीले बताउनुभयो ।