सोफा उत्पादक सङ्घको अध्यक्षमा धरेल

साझापाना २०८१ मंसीर २३ गते २२:४७ मा प्रकाशित

काठमाडौँ, २३ मङ्सिर । देशभरका सोफा उत्पादक व्यवसायीहरुको छाता संस्था सोफा उत्पादक सङ्घको अध्यक्षमा धरेल चयन हुनुभएको छ ।

सङ्घको शनिबार साँझ सम्पन्न प्रथम साधारण सभा तथा अधिवेशनबाट धरेलको अध्यक्षतामा ११ सदस्यीय कार्यसमिति निर्विरोध निर्वाचित भएको हो । नवनिर्वाचित अध्यक्ष धरेल सोफा हवका सञ्चालक हुनुहुन्छ ।

यस्तै, सङ्घको उपाध्यक्षमा सुजन अधिकारी, सचिवमा दिपेन्द्र धरेल र कोषाध्यक्षमा महेशराज थापा चयन हुनुभएको छ । यस्तै, सदस्यमा ज्ञानेन्द्र धरेल, रेमन नेपाली, पार्वती अधिकारी, विष्णु देवकोटा पन्थ, सुमित्रा काप्री, सत्यम देवकोटा र मोहन दनै हुनुभएको छ ।

विस २०७९ सालमा स्थापना भएको उक्त संङ्घमा हाल चार दर्जनभन्दा बढी सोफा उत्पादक कम्पनी आवद्ध छन् । नेपालमा विस २०३६ सालदेखि सोफा उत्पादन सुरु गरिएपनि हालसम्म पनि विदेशबाट आयत गरिएको सोफा विभिन्न कार्यालयमा प्रयोग हुँदै आएका छन् ।

हाल काठमाडौँ उपत्यकाभित्र १०० र देशभर दुईसय भन्दा बढी सोफा कम्पनी रहेका छन् भने १० हजारभन्दा बढी व्यक्तिले प्रतक्ष्य रोजगारी पाएको संघले जनाएको छ ।

क्याटेगोरी : समाचार