समुदाय प्रहरी साझेदारी अन्तर्गत नेपालटार एरीयाको खोला सफाई

साझापाना २०७६ जेठ ३२ गते ०५:१७ मा प्रकाशित

तारकेश्वर काठमाडौ । समुदाय प्रहरी साझेदारी कार्यक्रम अन्तर्गत आज बिहान नेपालटार एरियाको बिष्णुमती खोला किनाराको सडक सरसफाई गरिएको छ ।

महानगरिय प्रहरी बृत बालाजुबाट खटिएको प्रहरी टोली, लैङ्गिक हिंसा नियन्त्रण समन्वय संजालका पदाधिकारीहरु, नेपाली सेना, सृजनशिल तथा उर्जाशिल योगा केन्द्रका पदाधिकारीहरु लगायत स्थानिय मानिसहरु र विभिन्न स्थानिय क्लबहरुको सक्रियतामा बृहत सरसफाई कार्यक्रम सम्पन्न भएको छ ।

नेपाल प्रहरीले भर्खरै सुरू गरेको ‘समुदाय– प्रहरी साझेदारी’ अवधारणालाई कार्यान्वयन गर्न देशभरमा ३६० विभिन्न समिति निर्माण गरेको छ । ‘हर प्रहर, गाउँ र नगरी, टोल टोलमा नेपाल प्रहरी’ भन्ने मूल नाराका साथ स्थानीय तह, समुदाय, सामाजिक संस्था र विद्यालयसँग साझेदारी गरी समाजमा हुने अपराध न्यूनीकरण गर्ने लक्ष्य राखेको प्रहरीले सबै क्षेत्रमा समिति निर्माण गर्ने गरी अगाडि बढेको छ।

क्याटेगोरी : समाचार
ट्याग : #नेपालटार एरीया