बाख्राको मासु खाँदा १६ जना बिरामी

साझा पाना २०७६ वैशाख २२ गते ०७:३२ मा प्रकाशित

डोटी, २२ वैशाख । डोटीको आदर्श गाउँपालिका १ मेलगडामा बाख्राको काचो मासु खाँदा १६ जना बिरामी परेका छन् ।

शनिबार दिउँसो बाख्राको काचो मासु खाँदा बिरामी परेका उनीहरुको जिल्लाकै विभिन्न अस्पतालमा उपचार भइरहेको छ ।

बिरामी पर्नेमा बालबालिका र वृद्धवृद्धासमेत छन् । अस्पताल भर्ना भएका सबैको स्वास्थ्य अवस्था खतरामुक्त रहेको जिल्ला प्रहरी कार्यालय डोटीले जनाएको छ।

१६ जना मध्ये चारजना उपचारपछि घर फर्किएका छन् । बाँकी १२ जनाको उपचार भइरहेको र आज बेलुकीसम्म उनीहरुको पनि डिस्चार्ज हुने अस्पतालले जानकारी दिएको डोटीका प्रहरी नायव उपरीक्षक लालबहादुर धामीले जानकारी दिएका छन ।

क्याटेगोरी : समाचार
ट्याग : #बाख्राको मासु