रोल्पा ,प्युठान र दाङ सडकखण्ड पौष २८ देखि अनिश्चतकालका लागि बन्द हुने

साझा पाना २०७९ पुस २७ गते १०:१६ मा प्रकाशित

रोल्पा । रोल्पा ,प्युठान र दाङ सडकखण्ड भोलि पौष २८ गतेदेखि अनिश्चित कालीन समयसम्मको लागी बन्द हुने भएको छ ।

रोल्पाको सदरमुकाम लिवाङ,सुलीचौर प्युठानको भिङ्ग्री,चकचके,जन्तीभिर,बडडाडादेखी दाङको भालुवाङ सम्मको सडक खण्ड अन्तरगत सडक डिभिजन कार्यालय प्युठानद्वारा प्युठानको चकचके देखि बडँडाको बिचमा पर्ने भूभागहरूमा घुम्ती तथा साँघुरो सडकलाई चौडा गर्ने बिग्रेको र भत्केको ठाउँहरूमा मर्मत गर्ने भएकोले सडक बन्द हुने भएको हो

उक्त सडक भएर चल्ने यातायातका साधनलाई आवतजावत गर्नको लागी भने बिहान र साँझ गरी दीनमा २ पटक आंशिक समय सडक खुल्ला गरिने भएको छ बिहान ६ बजे देखी ११ बजे सम्म ३ घण्टा र बेलुका ५ बजे देखी ९ बजे सम्म ४ घण्टाको समय निर्धारण गरेर यातायातका साधन सञ्चालन गर्न दिने निर्णय गरिएको हो जिल्ला प्रशासन कार्यालय रोल्पा र जिल्ला प्रशासन कार्यालय प्युठानमा बसेको सर्वपक्षीय छलफलबाट उक्त मिति र समय निर्धारण गरिएको हो

बाटो बन्द हुने अवधिमा एम्बुलेन्स सव वहान र सुरक्षाकर्मीको गाडीलाई प्राथमिकतामा राखेर आवतजावत गर्ने व्यवस्था मिलाइएको रोल्पा प्रमुख जिल्ला अधिकारी नवराज सापकोटाले बताउनु भयो ।

क्याटेगोरी : समाचार
ट्याग : #सडक