Techie IT
बिहीबार, साउन १०,२०८१

अप्टिकल फाइवर लिङ्कमा खराबी आएपछि खोटाङ, सोलुखुम्बु र ओखलढुङ्गामा टेलिफोन सेवा अवरुद्ध


खोटाङ । नेपाल टेलिकमको अप्टिकल फाइवर लिङ्कमा खराबी आएपछि पूर्वका तीन जिल्लामा टेलिफोन सेवा अवरुद्ध भएको छ।

खोटाङको रेग्मीटार आसपासमा फाइवर लिङ्कमा समस्या आएपछि खोटाङ, सोलुखुम्बु र ओखलढुङ्गामा टेलिफोन सेवा अवरुद्ध भएको हो।

आइतबार दिउँसोबाट तीन जिल्लामा टेलिकमका सबै सेवा अवरुद्ध भएपछि सर्वसाधारणलाई समस्या भएको छ।

मङ्सिर ४ गते हुने प्रदेशसभा र प्रतिनिधिसभा निर्वाचनका लागि यतिबेला चुनावी सभालगायतका कार्यक्रम भइरहेका र टेलिफोनमार्फत गरिने समन्वय तथा सम्पर्क पनि ठप्प भएका छन्।

सदरमुकाम दिक्तेलबाट करिब २१ किलोमिटर रेग्मिटार आसपासमा फाइवर लिङ्कमा खराबी आएको र प्राविधिक टोलीलाई त्यसतर्फ खटाइसकिएको नेपाल दूरसञ्चार कार्यालय खोटाङका प्रमुख खगेन्द्र मगरले जानकारी दिनुभयो। प्राविधिक टोली त्यसतर्फ पठाइसकिएकोले सम्भवतः आज साँझ सम्ममा सेवा सुचारु गराउँछौँ प्रमुख मगरले बताउनुभयो।


क्याटेगोरी : समाचार
ट्याग : #नेपाल टेलिकम


तपाईको कमेन्ट लेख्नुहोस्


Kathmandu
23°
Mostly Cloudy
5:23 am6:57 pm +0545